Али Ахмети во интервју за албанска телевизија изјави дека Законот за двојазичност и промена на уставното име на земјава, ќе се решат во ист ден, а Претседателот на државата не е потребен за тоа да биде спроведено.
“Употребата на јазиците може да се очекува и ратификува, но мислам дека постои важен момент, дури и заедно во пакет и законот и Договорот со грчката страна да стапат во сила заедно. Ние разработуваме стратегија за да биде еден успешен чекор. Албанците беа длабоко ангажирани во овој процес за да се постигне компромис со грчката страна. Како што е познато, решавањето на прашањето за името беше еден од главните услови како на ЕУ така и на НАТО, бидејќи Грција има право на вето, па без решавање на проблемот со името сигурно проблемот ќе ни претставуваше пречка и понатаму. Албанците беа дел кој придонесе за решението, но тие не беа дел од проблемот. Албанците се задоволни, тоа е прифатливо за нас. Ние кажавме со кое име нема да се согласиме, а тоа Национална Република Македонија или Република Славо-Македонија, така што со тоа ја запознавме јавноста и меѓународната дипломатија”,
-изјави лидерот на ДУИ Али Ахмети за албанската телевизија “Ora News”.
“Поканата што и се дава на Македонија за членство во НАТО претставува историски момент за мирот во регионот, за стабилноста во Република Македонија, за меѓуетничките односи во Македонија. Секако дека членството на Македонија во НАТО е важен момент за двете најголеми заедници, Македонците и Албанците, бидејќи мирот, стабилноста и безбедноста се од витално значење за нас во Македонија, но ито така тоа е голема придобивка и за целиот регион на Западен Балкан”
додаде Ахмети во интервјуто.
