Од името на Меѓународниот семинар за македонски јазик, литература и култура при Универзитетот „Св. Кирил и Методиј“ своја најголема благодарност кон ректорката на УКИМ Проф. Д-р Биљана Ангелова упати проф. д-р Кристина Николовска која што е директор на МСМЈЛК при УКИМ.
Во писмото упатено до јавноста стои:
“Меѓународниот семинар за македонски јазик, литература и култура при Универзитетот „Св. Кирил и Методиј“ изразува длабока благодарност до извонредната ректорка на УКИМ, проф. д-р Биљана Ангелова за вонсериските заложби, личната и институционална посветеност и програмски приоритет на дејноста на Меѓународниот семинар, за поддршка на новата визија и подновениот концепт на 57. Летна школа – секоја идеја да се преточи во убава реалност, која од 16 август е прекрасна стварност за 65 семинаристи македонисти на 57. Летна школа на МСМЈЛК при УКИМ кои учат македонски јазик, литература и култура во древниот град Охрид.
Изразувам институционална и лична благодарност и висока почит за довербата и вербата во новиот концепт, кој е богат со нови содржини како што се: амбиенталната и интерактивна настава, преведувачка работилница, врвни културни настани и драгоцени научно-истражувачки екскурзии. Веќе се потврдува визијата дека македонистиката, филологијата и културологијата одлично се афирмираат преку креативна синергија со повеќе науки (како: историја, етнологија, фолклористика, музичка архиологија, историја на уметност, филозофија на култура, херменевтика, итн.), во симбиоза со репрезентативни уметнички настани.
Сонот на „Македонистичкиот гордорек 2024“ – веќе е прекрасна реалност, која расте одејќи пловејќи „По стапките на Свети Климента“ како горди и достојни наследници на Кирилометодиевската традиција и Светиклиментовиот пат на светлината.
Горди сме на успешната, реномирана и извонредна ректорка која, заедно со сјајниот Ректорат и проректорите, и овој пат докажа дека УКИМ е врвен квалитет со долга традиција и највисоки стандарди, кој како интегриран Универзитет, на најубав начин, ја подржува македонистиката како врвен национален приоритет, со пошироко интернационално значење.
„Македонскиот гордорек 2024“ – е плод на студиозна посветеност, однос кон приоритет, верба, поддршка и добра волја на врвен авторитет, ректор кој умее да препознае вредност, нов квалитет и светла иднина за македонистиката.
Со почит”
-стои во писмото упатено до ректорката од страна на проф. д-р Кристина Николовска,- директор на МСМЈЛК при УКИМ
Креирано од:
СЛИЧНИ ОБЈАВИ
Тошковски: Жените имаат моќна улога во создавањето на позитивни промени, над 45% од менаџерските функции во МВР се жени
Николоски: На ДУИ им одговара прашањето со Уставниот суд да трае четири години, бидејки им пропадна зелената агенда
Туристичките работници убаво да се подготват за зголемен прием на турските туристи на Охридскиот аеродром за наредната сезона