Министерот за транспорт и врски во владата на Зоран Заев, Благој Бочварски во обид да го релативизира револтот на граѓаните од источниот регион кои што ќе треба да плаќаат 320 денари за патарина за патување од Штип до Скопје и назад, соопшти дека доколку не им одговараат овие услови на патниците, ќе можат да патуваат по алтернативни патишта до Скопје.
Тој денеска им порача на граѓаните дека кога ќе се воведат двете нови патарини на автопатот Миладиновци – Штип, доколку им е скапа наплатата, ќе можат да патуваат преку Велес или преку локалните патишта.
Како причина за ваквата одлука тој ја навел потребата да се одржуваат патиштата во наредниот период како и законските рамки за оваа пракса.
