Потребни состојки:
– 3 јајца
– 2-3 капки екстракт од ванила
– 100 грама просеано брашно
– 40 грама растопен путер или маргарин
Во мал сад изматете ги јајцата и шеќерот. Потоа ставете ги над сад со вода и гответе на пареа. Мешајте постојано додека смесата не стане густа и додека не се загрее.
Тргнете ја смесата од шпоретот, додајте го екстрактот од ванила и мешајте додека не се излади. Кога ќе се излади, постепено додавајте го просеаното брашно, а на крај додајте го и маргаринот или путерот.
Подготвената смеса ставете ја во тава за печење (најдобро со димензии 30х30) обложена со хартија за печење. Распоредете ја рамномерно и печете ја во рерна загреана на 180 степени, околу 20 минути.
Извадете ја тавата од рерната и оставете го тестото да се излади 10-тина минути. Потоа отстранете ја хартијата за печење и оставете го да се излади целосно. Со калап можете да направите форми по ваша желба или да го исечете тестото на коцки или правоаголници, па да го филувате по желба.
– Тестото употребете го веднаш, или ставете го во најлонска фолија и чувајте го во фрижидер до 2 месеца.
