Денеска е 7 април, ден на здравствените работници. Секоја година овој празник и’ го честитам на мојата мајка, а оваа година ќе ја искористам можноста да им се заблагодарам и да им го честитам празникот на сите здравствени работници кои даваат се’ од себе за да ги зачуваат здравјето и животите на македонските граѓани.
Посебно ви се заблагодарувам за вашите напори кои ги правите, затоа што знам дека неправедно сте фрлени на маргините на општеството и дека и покрај тоа што сте несоодветно опремени и заштитени, сепак вие нема да ја прекршите хипократовата заклетва и ќе продолжите со вашата света мисија сега и во иднина. И затоа вие сте нашите херои.
Почитувани пензионирани и активни лекари, медицински сестри, болничари, техничари, фармацевти и друг медицински персонал, нека ви е честит празникот.
