Драган Ковачки: во која друга НАТО држава политичкото раководство прави пари на сметка на војниците?

Во врска со обвинувањата од сгтрана на членот на ИК на ВМРО-ДПМНЕ и пратеник во Македонското собрание Драган Ковачки за исправноста на месото кое што го консумираат припадниците на АРМ, со своја реакциаја во јавноста се обрати Министерката за одбрана Славјанка Петровска:

“Припадниците на Армијата и јавноста можат да бидат спокојни – војниците добиваат квалитетно месо чиј прием и проверка на квалитет се врши по сите правила.Ќе доставиме докази до надлежните и нема да дозволиме со лаги да се урива угледот на Армијата.А за лагите ќе има одговорност.”

-соопшти таа на твитер.

Потоа со дополнителни докази за неисправноста во јавноста се обрати Драган Ковачки со дополнителни документи:

“На мојата објава за скандалот со јунешко, свинско и пилешко месо што го набавувала Шекеринска, а го јаделе не само македонските војници и старешини, туку и питомците од Бих, Црна Гора и Косово кои се на школување на нашата Воена Академија, на твитер реагираше новиот министер за одбрана, г-ѓата Славјанка Петровска.

Цитирам:

” …војниците добиваат квалитетно месо чиј прием и проверка на квалитет се врши по сите правила. Ќе доставиме докази до надлежните и нема да дозволиме со лаги да се урива угледот на Армијата. А за лагите ќе има одговорност.”

Ајде да видиме дали е работено по пропис, како што тврди новата министерка. Да ги погледнеме документите за извршен прием на месо во месец февруари мината година. Еве, само за месец февруари примени се над 2 (два) тони месо и истото е поделено на војниците низ цела Македонија. Дури и питомците од БиХ, Косово и Црна Гора јаделе од истото месо.

Според договорите што ги потпишувала Шекеринска, приемот на месото мора да го врши ТРОЧЛЕНА СТРУЧНА комисија.

На документите за прием на месото, многу јасно се гледа дека квалитативниот прием на месо за потребите на војската во 10 (десет) касарни на АРМ – во Скопје, Петровец, Штип, Велес, Куманово, Прилеп, Тетово, Кичево и Криволак цело време го вршело САМО 1 лице.

(!!!)Министерке Славјанка, ајде сега одговорете дали е по пропис или не е и одговорете во која друга НАТО држава политичкото раководство прави пари на сметка на војниците? Одговорете во која друга НАТО држава ваквиот скандал се прикрива од страна на министерот?

Има ли некој на кој не му е јасно зошто месото не го примала комисија, туку го примало само едно лице?

*На сликите од приемот на месо што ги објавив деновиве, јасно се гледа дека на месото нема никаква декларација за потекло, ниту има печат на истото. На 4 јануари објавив на кои конкретни датуми комисијата правела контроли и ви ги кажав забелешките кои ги констатирала комисијата. А тие беа – драстично отстапување од безбедносните протоколи за чување и постапување со месото. (!!)Не знам кој ја саботирал и ја наместил почитуваната Славјанка Петровска јавно да излегува со вакви ставови дека месото било безбедно и истото било примано според пропис, кога ете гледаме дека не е. Славјанка Петровска на слепо, неосновано, а на штета на војниците кои го јадат тоа месо, го брани прво криминогеното, а второ и несовесното работење на нејзината претходничка, г-ѓата Шекеринска.Г-ѓата Славјанка Петровска треба да знае дека познатата “бонбона бизнис” министерка, ниту еден ден не седела бесцелно во Министерството за одбрана и пред да тргне во нејзина заштита, треба да ги проверува фактите.

Останува неодговорено дали минатата седмица, на прошталниот ручек со новинарите во касарната Илинден и со потесното раководство на МО (тоа што и’ ги прикрива криминалите), на менито им било истото месо, или тоа е само за војската. За ова што го прави бандава на власт, на штета на здравјето на војниците, старешините, питомците, само заради алчност и лична корист, мора да има одговорност….

A врховниот командант Пендаровски, нека продолжи да си молчи. Тоа не се негови војници, нели?#НаВојскатаНајдовтеДаПечалите

#Криминалци#ОдговорностМораДаИма

п.с. Името на лицето кое го вршело приемот намерно го избришав за да не го срамам дополнително, оти тој тоа го правел по наредба што по закон можел и морал да ја одбие“

-соопшти Драган Ковачки преку социјалните мрежи.

Креирано од: