Бугарскиот министер Красимир Каракачанов во интервју за бугарска телевизија јавно го обзнани постоењето на Анексот на Договорот за добрососедство со Бугарија со што ги разобличи обидите на Зоран Заев и целокупната на нему подредена пропагандна машинерија дека таков Анекс не постои и дека истото бил измислен од опозиционата ВМРО-ДПМНЕ.
За овој обид за измама од страна на официјалните државни лица во владата како и нивните медиумски мегафони, во јавноста упати своја реакција Претседателот на ВМРО-ДПМНЕ Христијан Мицкоски:
“Пред три месеци, во “Само интервју” на Канал 5 телевизија реков дека постои Анекс на Договорот со Бугарија. Тогаш од Заев, неговите немоќни соработници и владината лажлива пропаганда бев нападнат дека ширам невистини. Денес, министер од бугарската Влада потврдува дека постои Анекс од 12 точки кој е даден до македонската Влада, а според информациите со кои располагам е со исклучително лоши позиции за македонскиот идентитет.Оттука, имам две прашања: првото, ќе се извини ли владата што ширеше лажни вести, и второто, што содржи анексот од 12 члена кој Владата го крие од очите на јавноста?
-напиша на фејсбук Мицкоски.
