Здравствените власти кога треба да се каже во јавноста дека бројот на заболени од Корона вирусот е намален, се први на насловните страници на сите провладини медиуми и портали. А кога треба да се соопшти поразителниот факт дека има голем број на починати и заболени тогаш како ноеви со песок во глава нигде ги нема да излезат во јавност.
Ваквата шизофренија на власта потекнува единствено од нивната желба за што е можно подолго да се одржат на власт без разлика што Македонија секојдневно брои мртви Македонски граѓани како резултат не пандемијата со Ковит-19.
Последниот црн биланс на пандемијата говори дека коронавирусот зел 623 жртви од Македонија, а се заразиле вкупно 15.127 лица.
Во последниве 24 часа починаа шестмина пациенти по компликации од ковид-19.
Министерството за здравство соопшти дека починатите се пациенти од Скопје (73 години), Струга (79), Гостивар (55), Крива Паланка (63), Делчево (86) и од Кичево (74).
Министерот за здравство, Венко Филипче, во своите последни изјави вели дека состојбата е под контрола. Со смирувачки тон за бројот на заразени, Филипче сака да ги увери граѓаните дека ситуацијата не е толку лоша.
Но на ваквите негови изјави веќе ни малите деца не сакаат да поверуваат.
Лиферувањето на информации поврзани со корона вирусот од страна на провладините медиуми има свој шаблон кој што е во насока да ги манипулира граѓаните за ефектите од пандемијата и да ги премолчуваат вистинските ефекти на црната статистика.
За дополнителна анализа зошто тоа се случува и не станува збор затоа што со таквите анализи на удар ќе треба да се најдат Филипче и нивните пулени од власта.
Дека станува збор за распад-систем во здравството говорат фактите што официјалните интернет страници на здравствените власти веже подолго време не се ажурирани со најновите информации што зборува за една од двете даботи: Или власта сака да ги скрие поразителните факти и својата немоќ да се справи со пандемијата, или парите потрошени наменски за креирање на овие интернет страници се потрошени повторно на штета на граѓаните без соодветна способност за нивно работење.
Последната информација на https://koronavirus.gov.mk/ е од 19.08.2020 година
Последната информација на веб сајтот на Министерството за здравство под линкот “КОРОНА” http://zdravstvo.gov.mk/sostojba-so-covid-19-vo-zemjata-i-svetot/ за коронавирусот е од 13.04.2020 година.
На основната страна на Министерството за здравство последно околу корона вирусот во моментот на пишување на оваа статија беше дека “продолжува трендот на намалување…”
Сувопарното набројување на заразени и починати лица под налетот на пандемијата стана вообичаена пракса од страна на здравствените власти на чело со Филипче без притоа да се сугерира и да се отвори критична дебата од најповиканите во врска со сузбивањето на заразата.
Дополнително пренесувањето на прес конференции прво на личните профили/страници на социјалните мрежи од страна на Филипче каде што се споделуваат партиски активности со партиска реторика претставува проблем со кој што се манифестира неможта на државата да одолее на бруталната партизација на институциите од страна на партијата на власт.
