БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Германската амбасада донираше техничка опрема за Доброволното противпожарно друштво – Кочани

HTML Image as link Имате потреба од нов веб сајт?
An image from Squarespace
Пренеси го гласот

Во присуство на претставници од Амбасадата на Сојузна Република Германија и на Општина Кочани, Доброволното противпожарно друштво – Кочани прими техничка опрема за интервенции во случај на пожари, поплави, сообраќајни незгоди и други природни катастрофи.

Со проектот финансиран од фондот Мали проекти на Германската амбасада, доброволните пожарникари добија интервентни чизми, мобилни станици за комуникација, моторни пили,  турбомлазници за вода и заштитни маски.

Командирот на Доброволното противпожарно друштво, Златко Илијев изјави дека со овој проект е остварен уште еден приоритет на ДПД за оваа година – набавка на контејнери за собирање и селекција на цврст отпад, којшто потоа ќе се предава на овластен откупувач, со што освен еколошки резултати, ДПД ќе обезбедува и финансиски средства за своето функционирање.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Доминик Куберлинг од Одделот за економија и економска соработка во Амбасадата на Германија, го поздрави хуманиот доброволен ангажман на членовите на ДПД – Кочани, не само во цивилната заштита туку и во животната средина и обуките на најмладите во различни области. Исто така го поздрави и вклучувањето на жените во доброволните противпожарни активности.  На средбата со претставниците од Германската амбасада, секретарот на Општина Кочани Драган Ананиев изрази подготвеност за натамошна поддршка на Доброволното противпожарно друштво со соработка, партнерства и проекти што ќе придонесат за јакнење на надлежноста противпожарна заштита. 

Креирано од:


Пренеси го гласот