Претседателот на ВМРО-ДПМНЕ ОК ДЕЛЧЕВО, во своја видео порака на фејсбук ја искритикува локалната власт и Градоначалникот на Општина Дeлчево, Горан Трајковски, за неспособност и неработење.
Оваа негова изјава Претседателот на опозицијата во Делчево ја базира на донесената одлука од страна на Советот на Општина Делчево по предлог на општинската администрација предводена од Градоначалникот Трајковски со која се предвидува во програмата за развој на општината да се исградат делови од две улици во вкупна должина од 510 метри.
Дополнително Претседателот Тодоровски изрази сомнеж дека и овие 510 метри воопшто ќе бидат во целост изградени поради повеќето неодговорени односно неразрешени прашања поврзани со претходни работи кои треба да бидат превземени пред изградбата на овие две предвидени улици.
Целата изјава на Претседателот на ВМРО-ДПМНЕ, Горанчо Тодоровски ја пренесуваме во продолжение:
Почитувани граѓани на општина Делчево,
Неспособноста и неработењето на Градоначалникот Горан Трајковски се повеќе доаѓа до израз.
На последната седница на Советот на Општина Делчево беше изгласана одлука за усвојување на План и Програми за развој на Општина Делчево за 2019 година, со која што за наредната 2019 година се предвидува изградба на делови од две улици, во вкупна должина, ВНИМАВАЈТЕ, од цели 510 метри.
Ова да не беше трагично, ќе беше комично!
Цела 2019 година Градоначалникот Трајковски ќе го развива Делчево со дури 510 метри асфалт.
Како Општински комитет на ВМРО-ДПМНЕ во Делчево, се сомневаме во способноста на Градоначалникот дека дури и овие 510 метри ќе бидат изградени во целост, поради следните неодговорени прашања на седницата на Советот на кој се носеше оваа одлука, поставени од страна на советниците од ВМРО-ДПМНЕ:
• Дали по должина на овие предвидени две улици се разрешени имотно-правните проблеми?
• Дали е изработена во целост атмосферската и фекалната канализација на овие делници? Ако не е, кога и како се планира тоа да биде направено?
• Дали општина Делчево има проект и дали планира да ја изгради водоводната мрежа долж овие делници? и
• Дали се изградени подземните водови за електро и телекомуникациски инсталации?
Сите овие прашања се суштински за да бидат разрешени, па дури потоа да се гради оваа делница на улици.
Сметаме дека политикантското давање на популистички изјави и занемарувањето на овие прашања што беше направено од страна на Градоначалникот Трајковски и Советниците од мнозинството на власта на СДСМ може да ја доведе во прашање ефикасната изградба на овие, дури 510 метри предвидени делници за наредната цела 2019 година.
И на крај ќе запрашаме, што станува со развојот на останатите 21 населено место во општината?
Дали жителите на руралните населени места во Делчево не заслужуваат било каков развој?
Креирано од:
СЛИЧНИ ОБЈАВИ
Двајца вработени во Центар за јавно здравје- Виница добија кривична пријава
Жител на Пробиштип доби кривична за насилство и напад на службено лице
Двајца против двајца: Кочанчани се пресметувале физички во двор на семејна куќа во Кочани