Американскиот актер Џејмс Јуџин ‘Џим’ Кери роден на 17 јануари 1962 година, е еден од најсмешните и нај духовитите луѓе во светот.
Тој е неверојатен актер, сценарист и продуцент. Џим Кери плени со својата појава, гримаси и со совршениот талент кој го има, па затоа не сме имуни на филмовите во кои главната улога ја има токму овој актер. Но сигурно и во вакво сериозно и мудро светло не сте го запознале.
Прочитајте дел од неговите лекции за смислата на животот:
„Многумина од нас го одбираат патот на стравот маскиран во практичност. Тоа што навистина го сакаме изгледа невозможно, вон дофат, и смешно за очекување, па така никогаш не се осудуваме да го побараме од универзумот. Но погледнете ме мене, јас сум доказ дека можете да го побарате од универзумот тоа што го сакате.“
„Секогаш ќе имате само две опции: љубов или страв. Изберете ја љубовта и никогаш не дозволувајте стравот да ве сврти против вашето разиграно срце.“
„Колку што знам, се работи за тоа да му дадете на универзумот до знаење што сакате и да работите на тоа, а за истото време да престанете да мислите на кој начин ќе се оствари.“
„Од искуство можам да ви кажам дека влијанието што го имате на другите луѓе е највредната валута што постои.“
„Правам свесен избор да ги набљудувам предизвиците како нешто корисно, за да можам да се носам со нив на најпродуктивниот можен начин.“
„Зошто да не ѝ дадете шанса на верата? Не на религијата, туку на верата. Не на надежта, туку на верата. Јас не верувам во надеж, таа ме исцрпува. Надежта шета низ огнот, додека верата прескокнува над него.“
„Вашата работа не е да сфатите како нешто ќе се одигра во вашиот живот, туку да ја отворите вратата во својата глава и кога ќе ви се отвори вратата во вистинскиот живот, едноставно да поминете низ неа. Не грижете се доколку го пропуштите својот ред. Секогаш ќе постои врата за отворање. Тие постојано се отвораат.“
„Искрено, сакам да бидам најголемиот актер што некогаш живеел. Би го сакал тоа. Но не морам да бидам. Сѐ што сакам е само да бидам тука. Тоа е сѐ.“
„Многу сум озбилен кога велам ‘не’ на алкохолот и на дрогата. Животот е преубав за нив.“
„Подобро да ризикувате да умрете од глад отколку да се предадете. Доколку се откажувате од своите соништа, што ќе ви остане?“
