Денес во текот на утринските часови непознат/и бандит/и ја искршил/е шофершајбната на семејниот автомобил на родителите на кандидатот за пратеник од редовите на ВМРО-ДПМНЕ и Коалицијата за Обнова на Македонија во третата изборна единица, полковникот Драган Ковачки.
Овој автомобил повремено го користел и самиот Ковачки.
За овој немил настан Ковачки ги известил надлежните органи од каде очекува брза реакција за пронаоѓање на сторителот/ите.
Во продолжение го пренесуваме соопштението на Драган Ковачки во врска со овој акт на насилство:
“Ја известувам македонската јавност дека во текот на денешниот ден е скршена шофершајбната на возилото во сопственост на моите родители. Со тоа возило повремено се служев и јас.
Настанот е пријавен во ОВР Делчево од каде очекувам соодветен ангажман и пронаоѓање на сторителите на овој кукавички чин.
Намерата е јасна, пораката што требаше да ми ја пратите ја примив, но не ја разбрав.
Вака да ви кажам: Ниту ќе заплашите, ниту ќе ме поколебате во намерата да ставиме ред во државата. Знам дека се плашите, веројатно со право се плашите. На толку злодела што ги направивте ќе го издржиме и ова, но знајте дека крајот на бандитизмот предводен од Заеви, Шеќеринска и Спасовски е со ограничено траење и доаѓа на 15 јули.
Ги повикувам именуваните да си ги приберат послушниците и да престанат со притисоци врз семејството.
Престанете да и правите штета на државата, знаете дека ова насилничко однесување влегува во завршниот извештај на мониторинг мисијата на ОБСЕ.”
Креирано од:
СЛИЧНИ ОБЈАВИ
Книгата на жалоста преместена во кочанскиот храм
Христијан Мицкоски во знак на почит се потпиша во книгата на жалост во Кочани
Отворена книга на спомени за покојните ученици од СОУ „Љупчо Сантов“ Кочани