Во врска со последните најави на администрацијата на Доналд Трамп да воведе тарифи за увоз на стоки од Кина со своја остра реакција во јавноста се обратија од Кинеската амбасада во САД кои што бараат преговори меѓу САД и Кина за надминување на разликите во трговските политики меѓу двете земји.
„Ако САД навистина сакаат да го решат проблемот со фентанилот, вистинскиот потег би бил да преговараат со Кина со взаемна почит и еднаквост. Ако војната е она што го сакаат САД – без разлика дали тоа е тарифна војна, трговска војна или кој било друг вид на конфликт – ние сме подготвени да се бориме до крај“,
-информираа преку социјалната мрежа X од кинеската амбасада споделувајки го ставот на портпаролот на Министерството за надворешни работи на Кина.
“Прашањето со фентанил е слаб изговор за зголемување на американските царини за кинески увоз. Нашите контрамерки за одбрана на нашите права и интереси се целосно легитимни и неопходни.
САД, а не кој било друг, се одговорни за #КризатаСоФентанил внатре во САД. Во духот на хуманоста и добрата волја кон американскиот народ, презедовме цврсти чекори за да им помогнеме на САД во справувањето со проблемот. Наместо да ги препознаат нашите напори, САД се обидоа да ја оцрнат и да ја префрлат вината на Кина и се обидуваат да ја притиснат и уценуваат Кина со зголемувања на царините. Тие нè КАЗНУВААТ што им помогнавме. Ова нема да го реши проблемот на САД и ќе го поткопа нашиот дијалог и соработка против наркотици.
Заплашувањето не не плаши. Силеџиството не делува кај нас. Притисокот, принудата или заканите не се вистинскиот начин за справување со Кина. Секој што користи максимален притисок врз Кина, избира погрешен човек и погрешно пресметува. Ако САД навистина сакаат да го решат проблемот со фентанилот, тогаш вистинската работа е да се консултирате со Кина со тоа што ќе се однесуваат едни со други како еднакви.
Ако војната е она што го сакаат САД, било да е тоа тарифна, трговска војна или кој било друг вид војна, ние сме подготвени да се бориме до крај.”
-се вели во ставот на портпаролот на кинеското министерство за надворешни работи.
Креирано од:
СЛИЧНИ ОБЈАВИ
Вака Доналд Трамп ја потпиша наредбата која забранува мажи да се натпреваруваат во женски спортови
Социјалната мрежа Rumble на Крис Павловски како и X на Елон маск биле таргет за цензура и супресија од страна на медиуми финансирани од УСАИД
Елон Маск открива дека УСАИД финансирале истражувања за биолошко оружје, вклучително и Ковид 19