Пожарот што повторно избувна кај месноста Спиково во Пехчево, е целосно локализиран. Според информациите на командирот Зоран Ајтовски, во гаснењето на пожарот учествувала екипа од ТППЕ Берово потпомогната од мештани како и вработени во шумско стопанство „Равна Река“-Пехчево.
– Во гаснењето на пожарот проблем ни претставуваше ветрот што на моменти ја влошуваше ситуацијата, но исто така и непристапниот терен. Целосна контрола над ситуацијата воспоставивме денес во попладневните часови.
– информира Ајтовски.
Во пожарот причинaта е мала материјална штета, при што опожарени биле два помошни објекта во Спиково.
Случајот е пријавен во полиција, каде веќе се работи на утврдување на причините за појавата на пожарот.
