Селекциите во групата Г, Македонија и Полска, вечерва на Националната арена „Тодор Проевски“ во 20:45 часот ќе се сретнат во рамките од третата рунда во квалификациите за Европското првенство.
Средбата со Полска ќе биде мотивација за нашата селекција, но и тест за понатамошните мечеви од квалификациите.
Ќе излеземе со цел да се бориме за позитивен резултат против еден квалитетен противник.Среќен сум што повредите нè одминаа. Дел од оние кои се враќаат од повредите направиja сè што можат да се вратат и да играат на овие натпревари. Тоа покажува какви личности имаме во тимот и тоа може само да ме радува. Ќе играме максимално офанзивно и одговорно и нема да менувам ништо од мојата филозофија. Ни доаѓа една квалитетна селекција, а тоа буди многу мотиви кај нас да се избориме за позитивен резултат и да покажеме колку вредиме. – изјави селекторот Игор Ангеловски на официјалната прескофенреција.
Во составот на Полска ќе отсуства голманот Војчеслав Шчезни, додека селекцијата ќе ја предводи капитенот Роберт Левандовски.
Левандовски е добар играч, но ние ќе играме против Полска. Само со тимска игра се справуваме со секој противник, па така ќе биде и утревечер. Воопшто не е важно против кој ривал играме, туку за што играме. Убеден сум дека тие кои ќе излезат на терен ќе го дадат последниот атом да се радуваме. – додаде селекторот.
