Планините во Брегалничкиот регион се огромно потенцијално богатство кое што во многу мала мера е искористено на вистинскиот начин во функција на развојот на економијата. Освен сечењето на дрвна маса и неколку мали приватни иницијативи кои егзистираат во контекст на убавината на планините, огромниот економски потенцијал на истокот од државата останува неискористен. Во таа насока започна иницијатива за реализација на голем фестивал на отворено на планината Плачковица во заедничка соработка на општините Штип и Карбинци како и ДПС Лисец кој што според најавите ќе биде еден од најголемите и најубави фестивали на отворено во државата ова лето.
Градоначалникот на општина Карбинци преку социјалните мрежи ја најави програмата за овогодинешниот фестивал на отворено “Ја сакам Плачковица” на планината Плачковица при што повика на масовна посетеност на самиот настан:

“Почитувани љубители на природата и уметноста имаме чест да ви ја најавиме најдобрата, најубавата програма за ова лето во Македонија ,, Outdoor festival “ЈА САКАМ ПЛАЧКОВИЦА” 2022 .
Општина Карбинци, Општина Штип и ДПС Лисец во заедничка организација со поддршка на овој голем настан.
– Настан кој не смеете да го пропуштите, настан кој има за цел да не собере сите заедно да ја прославиме природата со целата нејзина убавина.
– Три дена полни со возбуда, музика спортски настани.
— Три дена дружења со различни луѓе од цел Балкан.
Нека Плачковица ова лето биде епицентарот на љубовта и дружењето.”
-соопшти Градоначалникот Виктор Паунов по тој повод.
СЛИЧНИ ОБЈАВИ
Сообраќајна акција „Алкохолот и воланот не се добар пар“
Иван Гоцевски: Горане Трајковски одвои 15 минути време и исплати им ги утужените надоместоци на пожарникарите кои им следуваат со закон
Во Делчево продолжува вербалната битка меѓу Градоначалникот Трајковски и Претседателот на ОК на ВМРО-ДПМНЕ Делчево Гоцевски