Лошиот менаџмент на локалните власти со институциите во Македонска Каменица допринесоа Основното општинско училиште “Св. Кирил и Методиј” да остане извесен период без раководно и одговорно лицe поради истеченоста на мандатот на претходниот в.д. директор. Дополнително објавата на огласот за нов директор на училиштето се прави на нетранспарентен начин за јавноста преку необјавување на расположивите начини на комуникација до јавноста на самиот оглас со што се отвараат можности за сомнеж во врска со овој оглас, обвинуваат од опозициската ВМРО-ДПМНЕ од Општинскиот комитет во Мaкедонска Каменица.
Огласот за директор на ова училиште не е објавен ниту на официјалниот веб портал на општината иако таму може да се забележи објава на некаков Етички кодекс за политика на интегритет и антикорупциска политика за Општинската администрација на општина Македонска Каменица.
“Основното училиште “Св.Кирил и Методиј” М.Каменица објави оглас за вработување на директор спротивно на законот. Мандатот на в.д директорот е истечен, така што училиштето ќе остане без директор до денот на вработувањето на новиот директор. Огласот трае само 3 дена и истиот не е објавен на фејсбук страната на училиштето, што е сомнително и нетранспарентно.”
-обвинуваат од Општинскиот комитет на ВМРО-ДПМНЕ од Македонска Каменица.
