Денеска Потпретседателот на ВМРО-ДПМНЕ Александар Николоски имаше своја средба со Н.Е. Марија Виргина Мендес де Силва Пина која што е амбасадор на Португалија во Белград задолжена и за покривање на Македонија.
Оваа средба е прва од ваков вид на политичар од Македонија со дипломат на Португалија откако оваа членка на ЕУ го превзеде претседателствувањето со Советот на ЕУ.
Во рамки на разговорите од страна на Потпретседателот на опозициската ВМРО-ДПМНЕ меѓу другото била истакната заложбата дека нема и не може да има преговори за Македонските идентитетски прашања.
Во продолжение ја пренесуваме изјавата на Николоски во врска со оваа средба:
“Денес како Претседател на Националниот совет за евроинтеграции остварив средба со Н.Е. Марија Виргина Мендес де Силва Пина, вонреден и ополномоштен амбасадор на Република Португалија, со седиште во Белград, Република Србија, која ја покрива и Македонија. Изразив задоволство за прифатената покана за средба од страна на амбасадорката на Република Португалија и посакав успех на Португалското претседателство со Советот на ЕУ.
На средбата изразив заложби државата час поскоро да ги почне преговорите со ЕУ и сугерирав процесот да отпочне во рамки на Португалското претседателство со ЕУ односно во првите шест месеци на 2021 година.Ја запознав амбасадорката со идејата за формирање на Националниот совет за евроинтеграции, надлежностите и клучните цели, инклузивниот карактер на неговиот состав, градењето и одржувањето на консензусот за членството во ЕУ. Изразив надеж за плодна соработка и побарав поддршка за зајакнување на собраниските капацитети значајни за интегративниот процес.Ова е прва средба на македонски политичар со амбасадорката откако Португалија е актуелен претседавач со ЕУ, при што ја искористив можноста да упатам покана амбасадорката да го посети Собранието, како и да се обрати пред Националниот совет за евроинтеграции.
Разговаравме и за актуелните состојби во ЕУ, регионалната политика, актуелната состојба предизвикана од пандемијата со Ковид-19, процесот на вакцинација.”
