По повод големиот христијански празник Богојавление – Водици, од страна на свештенослужителите од Црковниот храм „Св. великомаченик Георгиј“ од Крушарскиот Мост во Кочани беа осветени водите во Кочанската Река, заедно со Неговото високопреосвештенство митрополитот Брегалнички г. Иларион кој го потопи Светиот крст во Кочанската Река.
Оваа година од вкупно 51-те пријавени, најсреќен беше Андреј Митев кој успеа прв да го извади Светиот крст од водите на Кочанска Река, кому градоначалникот на Општина Кочани, Љупчо Папазов му подари златник, а доби и други пригодни подароци.
-Нека оваа година му донесе многу среќа на Андреј и неговото семејство, момчето кое го фати Светиот крст. На граѓаните, верниците, им го честитам денешниот ден и им посакувам многу успех, здравје и среќа – истакна градоначалникот Љупчо Папазов.
Креирано од:
СЛИЧНИ ОБЈАВИ
Бојана Скендеровски со концерт во Штип: Пролетта започнува со музика
Верските обреди во Кочани по повод годишнината од трагичниот пожар – со највисоките црковни великодостојници
Најавени бројни гости и делегации – градоначалникот на Кочани апелира во претстојните денови жителите да се воздржат од користење автомобили