Во врска со објавен текст на нашиот информативен портал Поради неспособноста на локалната власт во Кочани, се сруши летниковец во новоотворениот туристички информативен центар на Осогово
и по доставени прашања од наша страна до општинската администрација во Општина Кочани,
дефинирани како што следува:
- Кој е надлежен за грижата и управувањето над овој проект, кој беше афирмиран во јавноста меѓу другите од страна на Градоначалникот
- Доколку е тоа Општина Кочани: Дали планирате оваа лоша состојба, на која е посочено во реакцијата од граѓаните, пренесена преку нашиот портал, да биде променета, со кои мерки и во кој рок?-Кои мерки ги превземаше до сега Општина Кочани за грижа и управување над овој проект?
- Дали е лоцирана причината за ваквата состојба и дали предизвикателите на оваа состојба посочена во реакцијата од граѓаните се соодветно казнети?
од општината го добивме следното известување кое го пренесуваме во целост:
Одговор на текстот „Поради неспособноста на локалната власт во Кочани, се сруши летниковец во новоотворениот туристички информативен центар на Осогово“, објавен на интернет-порталот „Брегалнички“
Почитувани,
Објавувањето на „реакцијата од граѓани“ под наслов „Поради неспособноста на локалната власт во Кочани, се сруши летниковец во новоотворениот туристички информативен центар на Осогово“ сметаме дека ја злоупотребувате за да правите скандал, за омаловажување на работата на Општината и на угледот на градоначалникот.
Притоа, го кршите членот 1 од Кодексот на новинарите, во кој стои дека новинарите имаат право на слободен пристап до сите извори на информирање што се од јавен интерес. Вие, тенденциозно и непрофесионално, не ја баравте втората страна, бидејќи не сакавте да слушнете дека:
Поради обилните снежни врнежи и високата покривка што се создаде зимава на локалитетот Пониква, летниковецот изграден во дворот на Туристичкиот инфоцентар „Пониква“ попушти и дел од конструкцијата се сруши.
Општина Кочани веднаш реагираше и со официјален допис го извести Центарот за развој на Источниот плански регион и фирмата што го изведуваше проектот, која се обврза да направи повторна изведба. Објектот е под гаранција од 2 години и Општина Кочани нема право да интервенира.
Во меѓувреме е направен и нов технички проект за летниковецот, кој е доставен на изведувачот и чека на реализација.
Сметаме дека одговорот ќе биде објавен, а јавноста ќе биде целосно информирана за состојбата со летниковецот на Туристичкиот инфоцентар „Пониква“.
Секретар на Општина Кочани,
Александар Јосифов
како и дополнително објаснување кое го пренесуваме интегрално:
Pocituvani vo delot na Vasite prasanja Ve izvestuvame:
1.Proektot Info Centar Ponikva , vo sklop na koj e izgradba na letnikovec e proekt na Istocno Plasniot Region , finansiran od Svejcarskata Vlada. Po zavrsuvanje na proektot istiot e predaden na upravuvanje na Opstina Kocani , so toa sto za site izvedeni raboti ima garanten period od 2 godini od strana na izveduvacot.
Poradi sneznite vrnezi dojde do paganje na letnikovecot, za sto uste istiot den so fotografii se izvesti Izveduvacot a voedno I Istocno Plasniot Region kako nositel na proektot.
Od strana na izveduvacot bevme izvesteni deka so stvaranje na vremesnki uslovi koj ke ovozmozat rabota , ke se pristapi kon popravka na istiot.
Posledna informacija vo delot na ova e deka od strana na Izveduvacot e pobarano od proektantot da se izraboti nov proekt so pogolema statika I kosina na krov, koe istoto e izraboteno I vo najbrz mozen rok ke se pristapi kon rekonstrukcija.
Naznacuvam, deke Nie kako Opstina nemame parvo da vrsime popravki od aspect deka objektot e pod garancija 2 godini.
Smetame deka e odgovoreno na site Vasi prasanja. Za dopolnitelno objasnuvanje Vi stoime na raspolaganje a mozete direktno da se obratite I vo centarot na Istocno Plaski Region.
