Општинскиот комитет на ВМРО-ДПМНЕ од Берово во директна поддршка на членовите на Месниот комитет од село Русиново во сабота на 26 декември со голем пиетет и достојна почит како и во минатото ќе го одбележи денот на загинувањето на Даме Груев, Сандо Китанов, Георги Карчов и Георги Поп Стојанов кои што загинале во 1906 година во непосредна близина на врвот Петлец на Малешевските планини.
На настанот се покануваат сите горди и слободољубиви Македонци кои што негуваат почит кон ликот и делото на Дамјан Груев како и плејадата Македонски револуционери кои што животот го положиле за слободата на Македонија.
Агендата за настанот ја пренесуваме во продолжение
26.12.2020(сабота)
09:00 Собирно место на местото викано “мегдано” во село Русиново
09:15 Панихида на чест на Војводата на селските гробишта во с. Русиново
09:45 Положување на свежо цвеке на бистата на Даме Груев во центарот на с. Русиново
10:15 Тргнување кон местото на загинувањето на Војводата во подножје на врвот Петлец на Малешевските планини
Кај врвот Петлец во прегратката на преубавите Малешевски планини присутните ќе можат да оддадат почит пред спомен плочата на самото место каде што згаснал животот на Даме Груев.
Овој настан традиционално со огромна почит се организира долги години наназад а досега присуство земале здруженија на граѓани кои го негуваат делото на Дамјан Груев, институции, организации и поголем број на поединци следбеници на револуционерното дело на Груев.
Големината и значењето на овој трагичен настан во 1906 година особено се чувствува помеѓу месното население во село Русиново чии што претци директно работеле и соработувале со Дамјан Груев во рамки на градењето и дејствувањето на Македонската револуционерна организација во илинденската епопеа.
