🎭 Поддржете ги нашите 16 млади балетски уметници да заблескаат на Финалето на Youth American Grand Prix! ✨

Кој може нека помогне на овие млади уметници- репрезенти на нашата татковина:

“Ние сме Bullfrogs Ballet School, приватно балетско училиште од Скопје, Македонија, кое храбро бележи успеси, но сè уште не го остварило својот најголем сон – да танцуваме на светската сцена меѓу најдобрите млади балетски танчери и таленти во светот! Оваа година сме поблиску од кога било досега до остварување на тој сон – 16 од нашите талентирани ученици се пласираа во Финалето на Youth America Grand Prix (YAGP) во Тампа, Флорида – најголемиот и најпрестижниот балетски натпревар во светот!

Нашето училиште е познато по квалитетното балетско образование, балетски продукции изведени на сцените низ целата држава, како и по бројните меѓународни успеси. Гордост ни е што сме тим кој секогаш е подготвен за нов предизвик и кој секогаш цели кон ѕвездите! Низ годините имавме многу успеси и неверојатни приказни, а сега сме подготвени да се соочиме со најголемата можност што некогаш сме ја имале!

🌟 Можност што се добива еднаш во животот

YAGP е најголемиот и еден од трите најпрестижни балетски натпревари во светот. Натпреварот им отвора врата на нашите ученици кон стипендии, мастер класови и кариери во балетот. Пласманот во финалето е неверојатно достигнување – наш најголем успех досега! Но, за да го оствариме овој сон, ни е потребна вашата поддршка.

🏆 Нашето патување до светската сцена

Со години, нашите балерини неуморно се посветуваат на својата љубов – балетот, минувајќи безброј часови на балетска настава, проби и дискусии со своите педагози. Нивната посветеност, труд и страст ги донесоа до врвни резултати на престижни натпревари:

✅ Гран-при за најдобра изведба – Ballet Fest, Пловдив (2019)

✅ 1-во место, класичен балет – група – European Ballet Grand Prix, Виена (2024)

✅ 3-то место, класичен балет – група – European Ballet Grand Prix, Виена (2025)

✅ Повеќе стипендии за летни балетски школи – YAGP & European Ballet Grand Prix (2023-2025)

✅ 6-то место, класичен балет – голема група – YAGP полуфинале, Виченца (2024)

Сега ја имаме шансата да изведеме дел од нашата омилена продукција “Сон на летната ноќ” од 2018 година – сон кој никогаш не замислувавме дека би можел да стане реалност.

💰 Како можете да помогнете?

Вкупните трошоци за ова патување надминуваат 60.000€, кои вклучуваат:

✈️ Авиобилети до Тампа, Флорида

🏨 Сместување

🎭 Котизација за учество во натпреварот

🛂 Визи

Со поддршката од нашата заедница, досега успеавме да собереме 40.000€, но ни недостигаат уште средства за да ја постигнеме нашата цел. Секој придонес е значаен, затоа се надеваме на вашата поддршка!

✨ Донирајте и станете дел од нашата балетска приказна! ✨

🔹Донирајте – секој придонес, без разлика на големината, ни помага да стигнеме до финалето!

🔹Споделете – помогнете ни да ја прошириме пораката до што повеќе луѓе.

🔹Верувајте во нас – вашата поддршка е од огромно значење за овие млади уметници”

-стои во објавата упатена во јавност.

Секој кој е во можност и сака да ги помогне развојот и напредокот на овие млади Македонски уметници тоа може да го направи преку платформата https://whydonate.com/en/fundraising/bbs-at-yagpfinals

Креирано од: