Претседателот на Општинскиот комитет на ВМРО-ДПМНЕ од Карбинци, Виктор Паунов упати своја реакција во јавноста во врска со зголемениот износ на сретства за кои се реализира тендерот за прифаќање и третирање на кучиња скитници на територијата на општината.
Имено според Паунов во минатата 2019 година ваквиот тендер чинел 520.000 денари додека за оваа година за него се предвидени 696.200 денари што е безмалку за околу 3000 повеќе.
Дополнително Паунов упатува прашање во јавноста дали некој жител на Карбинци до сега бил сведок дали се заловуваат чучиња во општината.
Целиот коментар во врска со оваа тема на Виктор Паунов од ВМРО-ДПМНЕ go пренесуваме во целост во продолжение:
“Општина Карбинци во период на вонредна состојба во државата склучува договор со ветеринарната клиника ИНО -ВЕТ Куманово за прифаќање и третирање на кучиња скитници на територија на Карбинци за 2020 година, вреден огромни 696.200,00 денари или нешто повеќе од 11.000€.
Ист ваков договор склучуваат и во 2019 година но тогаш изнесува 520.000,00 денари. Разликата во сумата помеѓу овие два договора е високи 176.200,00 денари или околу 3000€.
Дали некој жител на општина Карбинци до сега е бил сведок дали се заловуваат кучиња на истата територија?
Каде всушност завршуваат овие пари е прашање кое засега нема одговор!?”
