Некои политички аналитичари во САД кои што подолг временски период ја следат состојбата и политиките на Републиканската партија гласно говорат дека Сенаторот Мит Ромни можеби би требало да ја промени својата партија и со тоа на многумина би им ускратил големи главоболки и проблеми. Или пак тој единствено сака да биде волк во овчја кожа.
Сенаторот на сојузната држава Јута најави дека ќе гласа за осуда на Претседателот на САД Доналд Трамп како резултат на “злоупотреба на моќта”, додавајќи дека тој ја изневерил довербата на Американскиот народ. Тој изјавил дека нема избор освен да гласа за осуда на Претседателот Трамп.
“Се заколнав пред Бог за да застапувам неселективна правда. И како што знаете јас сум особено религиозна личност. Тоа за мене е многу сериозна работа”,
-изјави Ромни за весникот Солт Лејк Трибјун најавувајки го својот глас.
“Ги погледнав доказите на многу несебичен начин и заклучив дека претседателот го направил тоа за што е обвинет- дека тој побарал од странска влада да се замеша во изборите, дека тој извршил притисок врз таа влада со задржување на наменетата помош. Тоа е како охрабрување за напад на уставот на нашата земја”, продолжил тој во објаснување на својата намера.
