“Би сакале да го привлечеме вниманието кон гласањето одржано на 11 јануари во Собранието на Република #Македонија да ја преименува земјата во согласност со т.н. Преспанската спогодба. Сме изненадени со фактот дека Постојаниот совет на ОБСЕ не го обрна вниманието на оваа ситуациjа. Иако ова е директно поврзано со безбедносните прашања на нашиот континент.
Не можеме да ја делиме еуфоријата поради овие одлуки. Сме согласни со проценката на претседателот на Македонија Ѓ.Иванов дека има сомнителен легитимитет, очигледно несогласување со волјата на македонските граѓани кои го игнорираа референдумот за промена на државното име.
Добро се познати методи за прибирање на уставното мнозинство, што е неопходно за усвојување амандмани. Меѓу нив е законот за амнестија, кој е претставен како чин на «национално помирување». Притоа, всушност се работи за инструментот за селективна правда, што ѝ дава на сегашната Влада можност да ги “казнува и помилува” несогласните пратеници во зависност од нивниот став во однос на спогодбата. Овде јасно се покажаа “двојните стандарди” на западните земји, кои во 2016 година ја критикуваа одлуката на Претседателот Ѓ.Иванов за помилување на 56 политичари. Тогаш и #САД и #ЕУ во еден глас велеа за поткопувањето од страна на шефот на државата на демократските принципи и принципите на владеењето на правото.
Бројни процедурални прекршувања на воспоставениот законски алгоритам ја поткопаа довербата на населението во институциите на власта и демократските процедури, во парламентарната процедура. Нов пример е објавувањето на Преспанскиот договор во “Службен весник” на 14 јануари, спротивно на прерогативите на Претседателот според Уставот, без неговиот потпис.
Истовремено беше објавен одбивен Закон за употреба на јазиците, кој не е потпишан од страна на Претседателот и всушност го воведува двојазичноста во земјата, со кој албанскиот јазик добива статус на втор службен јазик. Токму како што им беше ветено на лидерите на албанските партии кои влегоа во власта под условите на озлогласената “тиранска платформа” од 2017 година. Во суштина, станува збор за поткопување на мултиетничкиот модел формиран од страна на Охридскиот рамковен договор.
На македонската држава ѝ е нанесена голема штета со тешко согледливи последици по нејзиниот натамошен долгорочен развој. Континуираните протести во текот на последните денови во Скопје и во другите македонски градови сведочат за длабока поделба во општеството, за неговата поларизација.
Сме разочарани од ентузијастичкото одобрување на одлуката на Собранието од страна на западни земји и претставници на Европската Унија. Ова е уште едно демонстрирање на политиката на “двојни стандарди”, која стана секојдневна практика. Ова уште еднаш ја истакна опортунистичката природа на слоганите за заштита на демократските вредности и владеењето на правото. Примерот на Македонија уште еднаш покажа дека демократија и закон се само чип за преговарање во остварување на геополитички цели. Во овој случај, цел е да се продолжи наметнатиот од надвор процес на вештачко редефенирање на државното име со цел да се забрза приклучувањето на уште една земја од Западен Балкан кон #НАТО.
Се сомневаме дека избраниот начин на решавање прашања од национално значење за иднината на Македонија, поврзан со нејзините темели, може да придонесе за долгорочно решение на проблемот со државното име. Сме убедени дека конечно одржливо решение може да се најде од страна на Македонија и Грција без надворешен притисок, во рамките на правото, врз основа на широка општествена поддршка.
Русија како постојана членка на Советот за безбедност на ОН внимателно ја следи ситуацијата. Поаѓаме од тоа дека резултатите од преговорите на Скопjе и Атина ќе бидат разгледани во Советот за безбедност на ОН во согласност со точка 3 од Резолуцијата 845 на Советот за безбедност на ОН.”
Рускиот амбасадор во ОБСЕ Лукашевиќ: резултатите од преговорите на Скопjе и Атина ќе бидат разгледани во Советот за безбедност на ОН
