Во врска со донесениот Закон за попис на домаќинствата и населението во Република Македонија и начинот на кој што актуелната власт на СДСМ и ДУИ предводена од Зоран Заев планира да го спроведе претстојниот попис во април, опозициската ВМРО-ДПМНЕ во јавноста ги истакнува своите аргументи зошто спроведувањето на вака дефинираниот попис е штетен за Македонските граѓани и Македонија во целост.
“СДСМ и Заев не сакаат попис според европски стандарди и ЕУРОСТАТ регулативи, туку сакаат фалсификат попис со што би се исполниле нечии политички концесии
Власта на чело со СДСМ и Зоран Заев во Собранието на шверцерски начин, со европско знаменце протнаа закон за попис на населението и домаќинствата, спротивен на европските стандарди и регулативите на ЕУРОСТАТ. И се на штета на граѓаните на Република Македонија, за која подоцна СДСМ и нивните партнери ќе треба да одговараат.
СДСМ и Заев не сакаат попис кој што ќе биде признаен од сите фактори во државата, туку сакаат нереален попис – попис според она што се договарал со своите коалициони партнери. Според тоа, Заев на сила протурка закон во Собранието без јавни дебати и дискусии и од обична статистичка операција, пописот на населението и домаќинствата го претвори во политичка операција.
Јавноста е сведок за тоа како, иако пописот се уште не спроведен, се лицитира со бројки, проценти и конечни резултати. Тоа е доказ дека СДСМ и Заев не сакаат статистички попис како во секоја нормална европска држава, туку сакаат попис со што би се исполниле нечии политички концесии. Тие во Собрание изгласаа закон за нереален попис, без претходно утврдена методологија. Попис кој нема да потврди кој е резидент, односно жител во Македонија, а кој не е и е само државјанин на Република Македонија. И сето тоа само дополнително ќе создаде конфузија и ќе даде искривена слика за статистичката состојба во државата.
ВМРО-ДПМНЕ заедно со граѓаните ќе собира потписи за укинување на овој озаконет фалсификат, се со цел носење на реален закон за попис на населението, закон кој ќе биде според сите европски стандарди и ЕУРОСТАТ регулативи.”
-стои во соопштението на опозициската ВМРО-ДПМНЕ во врска со оваа актуелна тема.
