Денес, како и што беше предвидено, во местото Уртенен, Берн, се одржа редовното годишно собрание на МНС.
Во присуство на членовите и преставници на здруженија , средбата помина во пријатна и срдечна атмосфера, со плодни дискусии и заклучоци по точките од дневниот ред. Се разговараше покрај другото за досегашните и идни активности во ресор на посебните координатори за култура, образование и интеграција.
И покрај веќе затекната општа здравствена состојба поврзана со вирусот , се навестуваат позитивни мотивирачки проекти кои ќе побудат интерес и љубопитност кај Македонците во Швајцарија.Така од областа на културата се предвидени проекти со прикажување на македонски филмови и средби со познати режисери и актери, снимање на одредени културни престави како во Швајцарија , така и во Европа.
Во тек е подготовка на книга – брошура на МНС, во која ќе бидат содржани значајни и интересни информации за македонската заедница. Повеќе идејни реализирања, како од областа на изучување на македонскиот јазик и историја, промоција на македонизмот во светот , ќе бидат синхронизирани и координирани со други држави преку Координативното тело на Македонците во Европа па и светот. Секако и хуманитарната задача и обврска е во рамките на предвидените активности кои би се реализирале за Македонците во Македонија. За конечниот детален запис од настанот, членовите и сите заинтересирани , ќе бидат дополнително известени .
Берн, 25 октомври, 2020
