Пратеникот Драган Ковачки од ВМРО-ДПМНЕ пред точно една седмица упати писмено пратеничко прашање до министерката за одбрана Славјанка Петровска во врска со постапката за набавка на резервни делови за борбени моторни возила за потребите на АРМ која што е спроведена без јавен оглас со директна покана за поднесување на понуда до една фирма од Гевгелија. Пратеничкото прашање се однесува на тоа до која фаза е реализацијата на овој постигнат договор.
Притоа пратеникот Ковачки изрази основано сомневање дека министерката Петровска крие од јавноста детали од самата постапка што би можело да биде вовед во криминални дејства во однос на реализацијата на договорот тежок 90 милиони денари.
“Помина точно цела седмица, а Славјанка Петровска, иако беше должна, не достави одговор на нашето писмено барање за степенот на реализација на Договорот за набавка на резервни делови за оклопните транспортери склучен со фирма од Гевгелија.
А, токму затоа нашето барање го доставивме писмено, за да има доволно време да одговори.
Со непочитувањето на народните избраници, уште еднаш демонстрираат нетранспарентност и ја демонстрираат својата ароганција.
Сепак, за мене ова е очекувано.
Кога станува збор за договор вреден над 90.000.000 и кога сите знаат (а кријат) дека се направени криминални дејанија поврзани со реализацијата на тој договор, јасно е дека Министерот за одбрана ќе бега од одговори.
Но, бегање нема да има, мора да има одговорност.
*Обвинителството на Јовески (оној што го предлагаат за Уставен Судија), нека не дреме и нека не спие на увото дека ќе се заборави.”
-соопшти пратеникот на ВМРО-ДПМНЕ Драган Ковачки во јавноста по истекот на цела седмица од упатеното прашање и недобивањето на одговор за реализацијата на постапката од страна на министерката Петровска.
