Славјанка Петровска знае од каде ќе стигне одговорноста за нејзините лоши политики во Министерството за одбрана

Јавната дебата и барањето на одговори од министерката за одбрана Славјанка Петровска се чини дека внесе паника кај владеачката структура како во министерството така и во СДСМ. Заплетканоста и конфузноста на јавната комуникација на Министерката Славјанка Петровска во врска со барањето на одговори за нејзиното политичко делување од страна на пратеникот Драган Ковачки е повеќе од очигледна во изминатиот период, за што денеска министерката соопшти дека повеќе нема да одговара на прашања од јавен интерес поставени од еден пратеник на опозициската ВМРО-ДПМНЕ чија што основна улога е да бара одговори за сите политички прашања од избраните и именуваните функционери на власта. Веројатно во недостиг на одговори поврзани со нејзиото работење за што е платена од јавни буџетски пари на граѓаните Министерката Петровска ќе прибегне кон добро познатата стратегија на голем број функционери од владеачката коалиција на молчење, но јавноста сепак има право да ја знае вистината

Во врска со ваквата состојба своја реакција во јавноста упати пратеникот Драган Ковачки кој непоколебливо најави одговори и одговорност за сите прашања од јавен интерес на министерката.

“Почитувана министерке за одбрана, г-ѓо Славјанка Петровска,

На нарачано новинарско прашање, сте кажале дека веќе нема да ми одговарате на поставени прашања.

Неверојатно!

Прво да разјасниме, Вие имате функција министер за одбрана и сте дел од извршната власт. На таа функција Ве избрало Собранието.

Јас сум пратеник во тоа Собрание што Вас Ве има избрано.

Иако и тогаш и сега бев против да бидете Министер за одбрана поради Вашите компетенции, сепак мнозинството на ДУИ и СДС, Ве избраа. Неисе.

Во нашиот политички систем Министрите одговараат пред Собранието.

Каков е тој однос да се ставате над Собранието и да кажувате дека нема да одговарате на прашања?

Што сте Вие за да бидете над Собранието и граѓаните?

Така ли ја разбирате политичката борба, демек ќе се налутите и нема да одговарате?

Министерке Славјанка Петровска, Вашата функција е јавна, а не лична.

Не може да си ја персонализирате функцијата, од причини што Вие земате плата од граѓаните, а јас прашувам во име на граѓаните кои ме изгласале.

Понатаму, на истото нарачано прашање, сте мавтале со две папки демек сум имал некаков страв.

ОК.

Еве уште еднаш Ве повикувам, објавете СЕ, ама буквално СЕ што имате. Јавно за да види цела македонска јавност што е тоа “јако” што го имате во врска со моето минато во АРМ.

Знам дека нема да објавите ништо затоа што тие папки се празни. (!)

Изгубена сте во време и простор и напаѓате со некакви “досиеја” што ги водите и измислувате во Министерство за одбрана против лица кои не мислат како Вас.

Министерке, штотуку потврдивте дека времето на водење на досиеа за лица е повторно вратено во младата македонска држава и штотуку потврдивте дека Вие како нестручно лице имате пристап до истите тие досиеја. (УДБа е Ваша судба).

Кажете и’ на јавноста дали имате наредено ваши вработени од МО да следат и документираат народни избраници-пратеници и зошто?

Почитувана министерке, не само што ќе си одговарате на прашања, туку ќе одговарате и на потпрашања.

Не се обидувајте да дефокусирате и да бегате од одговори.

Јавноста има право да знае зошто се’ уште функцијата за одбрана ја врши лице кое за да оствари парична добивка на Суд, добавило психијатриско вештачење од специјалист – психијатар, а после тоа истото лице од говорница ги демантираше наодите на лекарот – специјалист.

*Јавниот, а не личниот интерес е пред се’.

#Оставка“

-стои во реакцијата на пратеникот Драган Ковачки упатена во јавноста.

Креирано од: