“Почитувани сограѓани , советниците од СДСМ како вообичаено, така и овој пат шират страшни невистини и гол популизам на штета на граѓаните на Кратово . Како прво небулоза е дека седницата која што е свикана на 31.05.2022 година е на барање на Советничката група на СДСМ , туку е редовна седница на која материјалите се подготвени благовремено од претходно, а случајно денеска се доставуваат како што е предвидено 7 дена пред одржувањето на седницата и воопшто во дневниот ред не се ставени точки со ваква или слична содржина.
Доказ: Решение за свикување на деветтата седница на советот на општина Кратово
Во однос на наведените Решенија (кои не се носат ниту од Градоначалникот ниту од Советот) за отстранување на платформи со настрешници кои се поставени на јавна површина и за тоа дали имаат или немаат соодветни одобренија си има надлежни институции како: Градежен инспектор на општина Кратово, Државен градежен инспекторат за градежништво и урбанизам , Национален конзерваторски центар при Министерство за Култура и други каде треба да се разгледува законитоста на тие акти во со Закон утврдена процедура и на секој таков акт си постои со Закон утврдена постапка за заштита , правна поука и судска заштита.
Наведените објекти се од времен карактер, истите добиваат одобрение со важност од една година и како што е познато во последните две години се без одобренија затоа што е добиено Стручно мислење и укажување од Национален конзерваторски центар – Скопје за истите каде : Е утврдена неприфатлива ситуација односно терасите на плоштадот се изведени како летно / зимски тераси со несоодветни димензии и несоодветни материјали ( метални конструкции, пластифицирани лимови , лексани и слично ) така што јавниот простор е целосно узурпиран и деградиран и со отежната пешачка комуникација и други активности, согласно кое терасите се надвор од Законот и од аспект на Заштита на културното наследство се целосно неприфатливи.
Доказ: Стручно мислење на Заштитно-конзерваторски услови за поставување на урбана опрема пред угостителски објекти на плоштад ,, Маршал Тито “ – Кратово …. еден во низата на документите.Па прашањето е што правеле службите до сега ?
И на крај за воља на вистината неодамна на седница на Совет на која присуствуваа и Советниците од СДСМ е донесена нова Програма за поставување на урбана опрема во Општина Кратово за 2022 година која е во согласност со Законот за прогласување на старото градско јадро за културно наследство од особено значење( Сл. Весник на РМ бр: 144/14) и усогласена со службите во Националниот конзерваторски центар со цел да се оформи функционален јавен простор кој нема да го нарушува интегритетот на Старото јадро – плоштадот Павел Шатев/ Маршал Тито, која е значајна и единствена површина од јавен карактер во градот наменета за одржувње на собири и различни манифестации и за користење на сите граѓани. И со оваа програма исто така е предвидена можноста од користење на простор на наведените субјекти во рамки и на начин утвредни со закон.
Пред законите сите сме еднакви”
Извор: Тодорче Николовски– Градоначалник на општина Кратово
