Бојкот на претседателските избори
Во мигови на комплетно антиуставно однесување на државните правни институции а инспирирани од европските вредности за човекови права , достоинство и почитување на волјата на македонскиот народ, потврдена од минатогодишшниот референдум, македонската дијаспора од Европа повикува на масовен бојкот на штотуку закажаните претседателски избори .
Легитимноста на македонскиот народ е узурпирана од нелегитимните пратеници и таканаречена влада. Откога неправдата и нелегитимноста се инкорпорирани во опшеството, отпорот и бојкотот станува основно средство на реакција и должност. Секое учество во зацртаниот план на нарачателот а одобрен и со партиципација на конструктивната опозиција , претставува де факто, легитимирање на нивниот досегашен влог за деструкција на државата и создавање нова северна творба. Нашиот отпор на дијаспората, во повеќе наврати се изрази преку три годишни протести ширум светот со цел зачувување на уставот и државата Република Македонија .
Бевме горди и решителни во докажувањето на македонските неправди пред Европските институции и пошироко. Нашиот повик за бојкот , се однесува за сите Македонци кој се за зачувување на досегашниве зацртани уставни асномски придобивки . Сите договори и платформи донесени од сегашнава политичка гарнитура а насочени против македонските национални интереси, се сметат за нелегитимни од правен и морален пристап .
Од моментот кога ќе се создадат услови за демократски и вистински избори , тогаш ќе може да се зборува за учество и политичко натпреварување на партиите. Дотогаш отпор и бојкот !
Секогаш Македонија, никогаш Северна.
Координативно тело за протести на Македонците од Европа Женева , 14 февруари , 2019.
