Улогата на дијаспората во промоцијата и развојот на туризмот во Македонија може и заслужува да добие повисоки рамки и вредности.
Како амбасадори на Македонското гостопримство но и промотори на квалитетни туристички понуди кои можат да остварат бенефит за сите инволвирани страни, припадниците на Македонската дијаспора било каде во светот можат да допринесат многу во зголемување на приходите во областа на туризмот, хотелиерството и угостителството.
За остварување на тие цели институциите на државата треба да посветат поголемо внимание во остварување на тие контакти и поврзување на луѓе и компании кои што можат да формираат успешен симбиотски модел за развој на туризмот во Македонија во иднина.
За таа цел актуелната власт полага голема енергија во таа насока, со ангажирање и преструктуирање на Министерството за надворешни работи кое сега стана и министерство за надворешна трговија, а Министерството за култура се ребрендира и во дејности во областа на туризмот.
Дополнително во таа насока следува засилено темпо на работа на сите останати надлежни институции вклучително и Агенцијата за промоција и поддршка на туризмот чија што директорка Билјана Стефановска во текот на вчерашниот ден реализираше средба со Гордан Јорданов од ОМД.
“Директорката Билјана Стефаноска на денешната средба со Гордан Јорданов од Обединета Македонска Дијаспора разменија мислења за посеопфатна промоција на македонскиот туризам кај нашите заедници во странство.
Македонската дијаспора има двојно влијание на туризмот во Македонија — како извор на туристи и како поттикнувач на економски инвестиции и промоција. Тоа е важен сегмент во стратегијата на земјата за развој на туризмот, особено кога се работи на привлекување на туристи од земјите каде што живеат големи македонски заедници. Дијаспората не само што ја промовира земјата, туку и активно учествува во создавање на понуда која ќе биде атрактивна за новите генерации туристи.”
-информираа од АПРТ преку социјалните мрежи
Креирано од:
СЛИЧНИ ОБЈАВИ
40 годишник од Свети Николе предизвикал општа опасност со палење на отпад
Се отвора нова страница во развојот на трансплантациската медицина со успешно започнување на трансплантација на рожници
Нова лабораторија за работа во дрво на Факултетот за ликовни уметности – Скопје