Претседателот на ВМРО-ДПМНЕ Христијан Мицкоски заедно со потпретседателот Александар Николоски и Тимчо Муцунски денеска остварија работна средба со новиот директор на Фондацијата Конрад Аденауер во Македонија, г-динот Даниел Браун.
На средбата било разговарано за интензивирање на соработката меѓу ВМРО-ДПМНЕ и официјалната фондација на германската ЦДУ во блиска иднина.
Во продолжение го пренесуваме соопштението до јавноста на Претседателот на ВМРО-ДПМНЕ во врска со оваа средба:
“Заедно со потпретседателот Aleksandar Nikoloski и секретарот за меѓународна соработка Timco Mucunski , остваривме средба со новиот директор на Фондацијата Конрад Аденауер во Македонија, Даниел Браун.
Му посакавме добредојде и успешна работа во Македонија, а се сложивме дека соработката помеѓу Фондацијата и ВМРО-ДПМНЕ ќе остане на високо ниво, но и ќе се засилува.Уште еднаш ги афирмиравме одличните релации помеѓу ВМРО-ДПМНЕ и Фондацијата Конрад Аденауер – официјална Фондација на ЦДУ.
Главен акцент на средбата беше ставен на разговорите за идни проекти насочени кон јакнење на капацитетите на партијата.Преку проекти и настани на Конрад Аденауер поминале цели генерации на политичари на ВМРО-ДПМНЕ.
Ги афирмирав принципиелните заложби на ВМРО-ДПМНЕ за евроинтеграција на Република Македонија, но истакнав и благодарност за поддршката која ја добиваме и од Фондацијата и од Германија.”
