Со концерт на светски познатата британка и виртуоз на виолина, Ванеса Меј, вечерва на Античкиот театар, свечено ќе биде отворено 59-то издание на фестивалот Охридско лето. Церемонијата на свеченото отворање ќе започне во 21 часот.
Ванеса Меј
со својот тим пристигна во Охрид пред два дена, а одвои и време да ужива во
убавините на градот.
Таа е родена во Сингапур. На четиригодишна возраст се сели во
Лондон и започнува да учи виолина за на 8 години да замине во Пекинг. Таму ги
развива талентот и виртуозноста во класата на Лин Јао Џи. Во Лондон се враќа да
ги продолжи студиите по виолина на Кралскиот колеџ за набргу во 1998 година да
дебитира на Фестивалот Шлезвиг-Холштајн со одличен прием кај светската музичка
јавност, а на само 11 години дебитира со оркестарот „Филхармонија“ во Лондон по
што веќе нема запирање за кариерата на Меј која од тој миг натаму е во постојан
подем.
Фестивалот од 12 јули до 20 август ќе понуди 45 содржини најавија селекторите на фестивалот.
Меѓу триесет и четирите концерти кои публиката ќе ги види годинава ќе биде настапот на најпознатите виолончелисти на светската сцена Русинот Денис Шаповалив, сопранистктата Инва Мула од Албанија која ќе настапи со македонскиот тенор Ѓорѓи Цуцкоски и со сопранот Дешира Карлиу, пијано дуото Гелебешеви, српскиот виолинист Стефан Миленковиќ, некогашното чудо од дете, ансамблот Дорицо од Италија и други.
Во драмскиот дел како што најави селекторот Александар Поповски, низ содржините, ќе му биде оддадена почит на починатиот драмски писател Горан Стефановски.
