Проблемите со водоснабдувањето за земјоделските површини во рамки на хидромелиоративниот систем Брегалница кулминираат во својата најлоша форма во општина Лозово. Иако состојбата по ништо не се разликува во остатокот од општините за кои што би требало да е предвидена вода од овој каналски систем за потребите на земјоделците, сепак состојбата за жителите на општина Лозово се чини е најалармантна. Фактот што доминантно голем број на семејства егзистираат од земјоделие чија што продуктивност е директно поврзана со испораката на вода за нивите, го подига алармот за надлежните на највисоко ниво.
Сувите канали на хидромелиоративниот систем Брегалница најавуваат криза на овој сегмент од земјоделското стопанство за што самите земјоделци ќе бидат оние најоштетени од ваквата состојба, поради загрозување на нивната егзистенција.
За ваквата состојба своја реакција јавно упати и градоначалникот на општина Лозово Бошко Цветковски кој како јавен функционер својот кредибилитет го базира директно на граѓаните, застанува рамо до рамо со засегнатите земјоделци кои што се ставени пред неизвесност за своите семејства во периодот кој следува.
“
Еднаш кажав, сега ќе повторам
Сведоци сме дека во изминатиот период, Општина Лозово беше во неколку наврати погодена од силно невреме кое предизвика сериозни штети,како на земјоделските култури,така и на движниот и недвижен имот на голем број граѓани.
Со цел да биде спасено барем она малку што остана и да не се доведе во прашање егзистенцијата на земјоделците, побаравме и писмено од надлежните институции да обезбедат итно и неодложно вода за наводнување на земјоделските површини во сите населени места на територија на Општина Лозово!
Факт е дека се повторува се она што се случуваше во изминатите години каде и по неколку месеци во клучните периоди за земјоделските култури во годината, општина Лозово се оставаше без вода за наводнување, ЈАВНО,ЈАСНО и ГЛАСНО ќе кажам:
Ги повикувам надлежните институции пред се на човечност и разбирање за граѓаните од нашата општина
Доколку не одговорат на нашите барања, Јас како Градоначалник во периодот што следи, ќе застанам рамо до рамо со граѓаните на протест
Како прв човек на општината ќе побарам оваа година Земјоделците од нашата општина да бидат ослободени од оваа финансиска обврска, односно ДА НЕ БИДЕ ИЗВРШЕНА НАПЛАТА ЗА НАВОДНУВАЊЕ НА ЗЕМЈОДЕЛСКИТЕ ПОВРШИНИ (Вода секако нема!!)
п.с. Секогаш во животот е важно на чија страна си застанал во тешките моменти!!
Мојата е НАРОДОТ“
-соопшти Градоначалникот на општина Лозово Бошко Цветковски во поддршка на своите сограѓани.
Креирано од:
СЛИЧНИ ОБЈАВИ
Градоначалникот Гоцевски ги повика граѓаните на Делчево да го креираат новиот Буџет на општината
29 годишник од Кочани ја нападнал својата 35 годишна вонбрачна сопруга
Работник паднал во отворена шахта на неговото работно место во селото Градец, виничко