Тошковски: Духот и желбата за слобода на Гоце Делчев се аманет кој ќе продолжиме да го чуваме и негуваме

Денеска во рамки на централната манифестација за одбележување на 152 годишнината од раѓањето на великанот на Македонското револуционерно Дело Гоце Делчев, министерот за внатрешни работи Панче Тошковски заедно со делегација од ВМРО-ДПМНЕ положија букети со свежо цвеќе пред споменикот на Делчев во црквата Св. Спас во Скопје.

“По повод одбележувањето на 152 години од раѓањето на македонскиот револуционер, учител и визионер Гоце Делчев, денес заедно со Vlado Misajlovski, Марија Митева и Велика Стојкова-Серафимовска положивме цвеќе на неговиот гроб во црквата „Св. Спас“ во Скопје.

Сеќавањето на годишнината од неговото раѓање е чествување на вредностите за кои тој се бореше, а неговиот лик и дело ќе продолжат да живеат во нашата колективна меморија.

Гоце Делчев остави неизбришлив траг во македонската историја. Неговиот дух и силна желба за слобода се аманет кој и понатаму со гордост ќе продолжиме да го чуваме и негуваме, оставајќи непроценливо наследство за идните генерации.”

-соопшти Министерот Тошковски во врска со овој значаен ден.

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts