Во изјава за медиумите Цветан Трипуновски од ВМРО-ДПМНЕ ја коментираше лошата состојба во земјоделието наметната од катастрофално лошите политики на актуелната власт.
На новинарско прашање во однос на одлуката за замрзнување на цените на определени земјоделски производи од страна на власта, Цветан Трипуновски соопшти дека ваквата мерка е задоцнета и дека ќе се одрази многу лошо до статус на уништување на домашното земјоделско производство. Цветан Трипуновски го изнесе својот став дека ваквата мерка власта требало да ја воведе порано кога се увезувало храна од странство, а сега кога стасува домашното произвотство мерката ќе биде голем терет за производителите на земјоделските производи чија цена се замрзнува. За ова производство чиј што пазарна цена се ограничува од страна на владата се користени репроматеријали по зголемени цени кои што ако владата имаше намера за евтино производство требало претходно да се ограничат за да не ја подигаат цената на земјоделското производство кое сега ќе мора да работи со загуби.
Поради ваквите погрешни и задоцнети мерки и политики на владата голем број земјоделци го напуштаат земјоделието и својата егзистенција ја бараат во странство. Особено овој тренд е истакнат во Брегалничкиот регион каде што во минатото голем број семејства егзистираа од земјоделие.
Целата изјава на Цветан Трипуновски од ВМРО-ДПМНЕ погледнете ја во продолжение:
Креирано од:
СЛИЧНИ ОБЈАВИ
МВР во мобилизација на сите потенцијали за успешно спроведување на безбеден сообраќај
IFC со поддршка за енергетски проекти во Македонија – средба на министерката Божиновска со меѓународната финансиска корпорација
За Костадин Костадинов битката за градоначалничката фотеља на Струмица е прашање за живот или смрт