Граѓаните на Брегалничкиот регион добиваат најубава можна честитка за новата 2021 година од страна на власта. Сите граѓани кои што ќе патуваат на релација Штип-Скопје-Штип (овде се вклучени жителите на цел Брегалнички регион) за многу скоро ќе треба да плаќаат 320 денари за патарина за патување во двата правци.
Надлежните известија дека е завршен тендерот за изградба на две нови патарини- едната кај месноста Преод а другата кај Кадрифаково. Секое поминување кај овие патарини ќе ги чини граѓаните на целиот Брегалнички регион дополнителни 120 денари во еден правец, на што доколку се додаде постојната патарина од 40 денари тоа ќе ги чини вкупно граѓаните кои патуваат од Штип до Скопје или обратно 160 денари во еден правец.
Ваквата давачка кон државата дополнително негативно ќе се одрази и на така осиромашениот домашен буџет на жителите на целиот Брегалнички регион.
