Од денеска секој работен ден од понеделник до петок граѓаните на Општина Виница ќе можат да остварат директен контакт со нивната пратеничка во Македонскиот парламент Даниела Христова од редовите на ВМРО-ДПМНЕ од Виница.
Денеска на мала пригодна свеченост беше отворена канцеларијата за комуникација со граѓаните на пратеничката Даниела Христова во која постојано ќе биде присутен ангажиран асистент кој на дневна основа ќе остварува контакт со граѓаните.
Канцеларијата за комуникација со граѓаните се наоѓа сместена во зградата на Општина Виница а граѓаните можат да ја контактираат пратеничката Даниела Христова директно во канцеларијата или преку нејзината асистентка Верица Атанасова на телефонскиот број 075/327-357.
Во таа прилика пратеничката Христова порача дека стои на располагање на сите граѓани на Виница во делокругот на најзините пратенички можности.
“Почитувани сограѓани , согласно правата и обврските кои ги имам како пратеник во Собранието на Република Македонија , чест ми е да Ве информирам дека од денес – 12 Март 2021 година , е отворена пратеничката канцеларија за комуникација со граѓаните ! Канцеларијата ќе биде отворена секој работен ден (понеделник-петок) и во истата е ангажиран асистент ,кој во мое отсуство како пратеник, поради обврските и активностите во Собранието на РМ , ќе води евиденција за посетата на граѓаните и ќе ме информира во врска поставените прашања и сугестии !
Ви стојам на располагање !”
-стои во соопштението на пратеничката Даниела Христова упатено до јавноста.
