Неодамна избраниот градоначалник на Штип, Сашко Николов оствари средба со Ангел Ангелов кој е амбасадор на Бугарија во Скопје. На приемот бугарскиот амбасадор Ангел Ангелов изразил очекување да се подобрат односите меѓу Македонија и Бугарија, преку зголемување на меѓусебната доверба со медијација на Владо Бучковски а градоначалникот Николов предложил во училиштата во Штип факултативно да се учи бугарскиот јазик.
„Во духот на добрососедството, во духот на подобрата комуникација, дадов предлог до самиот амбасадор дека немам ништо против во нашите училишта факултативно да се изучува бугарскиот јазик, бидејќи секој јазик којшто е познат и е присутен претставува основна комуникација помеѓу народите“, изјави Николов на прес-конференцијата за медиумите по средбата.
