Градоначалникот на Општина Виница Ивица Димитровски денеска во јавноста го промовираше почетокот на проектот за уредување на регулираното корито на Градечка река во Виница.
Инвестицијата како што објави Димитровски е на Министерството за животна средина и просторно планирање и дел од Буџетот на Опшптината Виница.
“Денес започна веќе најавениот голем инфраструктурен проект во општина Виница.
Се работи за регулација на коритото на Градечка река. Предвидено да се регулира коритото во должина од 850 метри, како и градење напотпорен ѕид на истата, со цел да се заштити населението од несакани поплави при нагли врнежи од дожд.
Оваа инвестиција е во вредност од 15 112 302 денари, МЖСПП учествува со средства од 8 500 000 денари а од буџетот на општина Виница се издвоени 6 622 302 денари.
Изведбата е планирана да заврши до крајот на оваа година.”
-соопшти денеска преку социјалните мрежи Ивица Димитровски.
