Општина Кочани и Центарот за обука и едукација за заштита од пожари „Пегаз-еду“ од Битола воспоставија меѓусебна соработка со цел да се унапреди едукацијата, заштитата и превенцијата на населението од пожари, како и за стручно усовршување на пожарникарските служби.
Договорот за соработка денеска го потпишаа градоначалникот на Општина Кочани, Владко Грозданов и претседателот на Центарот за обука „Пегаз-еду“, Сашо Атанасовски. Со договорот е предвидено Општина Кочани, преку Територијалната противпожарна единица и Доброволното противпожарно друштво – Кочани, а со стручна поддршка на „Пегаз-еду“, да го оспособи специјално опремениот полигон за реализирање на практичниот дел од обуките.
Обуките ќе се реализираат преку тренинг-вежби на полигонот и преку стручни теоретски предавања, а ќе бидат наменети за професионалните пожарникари од ТППЕ – Кочани и членовите на ДПД – Кочани. Теоретскиот и практичниот дел од обуката ќе се спроведуваат според наставната програма „Пожарникар“, со користење на потребната техника и опрема со која располага ТППЕ – Кочани.
Со оваа соработка се создаваат услови за унапредување на капацитетите на противпожарните служби, зголемување на безбедноста на граѓаните и подигнување на нивото на подготвеност за справување со пожари и други ризици.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево