Откако беше поднесен амандан за обезбедување на финансиски средства за проектирање и изградба на Експресен пат Кочани- Делчево преку Калиманско поле, од страна на пратениците на ВМРО-ДПМНЕ во рамки на комисиската расправа за ребалансот на Буџетот на Владата за 2022 година, тој денеска беше ставен на дневен ред во матичната комисија за расправа.
По отварањето на точката на дневниот ред со предлогот истиот беше одбиен од страна на владиниот претставник по што во рамки на дискусијата пратеничката од ВМРО-ДПМНЕ Даниела Христова дополнително беше упатен апел до пратениците од владечккото мнозинство да се одвојат од матрицата на владата која што треба да ја контролираат и да гласаат во интерес на граѓаните на истокот од државата.
“Со овој амандман ние пратениците од источниот дел од Република Македонија бараме да се обезбедат сретства во висина од 60 милиони денари за реконструкција и доизградба на експресен пат Кочани-Делчево преку село Истибања и Калиманско поле. Како пратеници од источниот дел ни е должност да допринесеме колку што можеме повеќе на оние граѓани кои сме им ветиле проекти, дека тие проекти ќе се обидеме на секој начин да ги добиеме и тие да уживаат во благодетите од истите,”
-рече на почетокот од својата дискусија по амандманот пратеничката од ВМРО-ДПМНЕ Даниел Христова.
“За жал власта повторно нема слух за ова и за сите наши барања преточени во наши амандмани и ги одбиваат. Факт е дека источниот дел од Македонија во последните 5 години е запоставен и ако зборуваме за капитални инвестиции со прст се нема мрднато. Жално е што ова е една од причините поради кои овој дел од нашата држава е најиселен и луѓето ни бегаат во странство. “
-продолжи понатаму пратеничката Христова. Таа соопшти дека владата ги крати капиталните расходи во овој ребаланс со што ја покажува својата немоќ за реализација на проектите предвидени за граѓаните, затоа што се нема пари за проекти а се има пари за непродуктивни трошоци.
Понатаму пратеничката Христова нагласи дека овој амандман веќе повеќе пати се поднесува и се одбива од страна на СДСМ со што гупи народот од истокот на државата. Овој пат како што објасни Христова е потребен порди безбедноста на граѓаните кои патуваат на оваа релација и мораат да го користат постојниот регионален пат А3 кој што демне постојано со опасности од одрони.
“Исто така како придобивка од овој пат ќе биде и времетраењето за транспорт на роба и патувањето на граѓаните, ќе се отвори простор за нови инвестиции и поголем развој на општините од крајниот исток. Дополнително овој експресен пат би бил и во интерес на меѓународната соработка со Бугарија. Со амандманот даваме можност и покажуваме дека во целост сме на линија за изградба на патна инфраструктура која што ќе ги поврзува двата народи,”
-соопшти од пратеничкате говорница Даниела Христова од ВМРО-ДПМНЕ која доаѓа од Виница.
Понатаму на комисиската расправа пратениците од парламентарното мнозинство од СДСМ и ДУИ гласаа ПРОТИВ овој амандман со што граѓаните на Делчево, Берово, Пехчево, Виница остануваат да патуваат по живото-загрозувачки сообраќајни услови кои што демнат на секоја кривина на постојниот пат на оваа делница.
Целото обраќање на пратеничката Даниела Христова од ВМРО-ДПМНЕ може да го погледнете во продолжение:
