Градоначалникот на општина Виница Митко Костадиновски ја информира јавноста за завршувањето на упте еден значаен инфраструктурен проект кој го подобрува животниот стандард на граѓаните.
Станува збор за реконструкција на локален пат во атарот на село Блатец кој во изминатите неколку денови беше целосно асфалтиран.
“Уште еден капитален инфраструктурен проект успешно го реализираме – завршуваме со асфалтирањето на локалниот пат Блатец – Детлово (втора фаза). Следува уште комплетирање на сообраќајната сигнализација.
Со реконструкцијата на локалниот пат од село Блатец до месноста Детлово е решен долгогодишен инфраструктурен проблем, пред сè за жителите на село Блатец, но и за сите земјоделци кои ги обработуваат своите површини од двете страни на оваа патна делница.
Со реализацијата на овој проект се заокружува реконструкцијата на целата релација Блатец – Детлово. Од вкупната должина од 5,5 километри, претходно беа реконструирани 3 километри, а со реконструкцијата на преостанатите 2,5 километри целосно е завршена оваа значајна сообраќајна врска.
Вкупната вредност на проектот изнесува 25.635.100 денари, средства обезбедени од Министерството за транспорт преку владиниот повик за инфраструктурни проекти, како и со учество од Буџетот на Општина Виница.
Продолжуваме посветено да инвестираме во модерна инфраструктура и во проекти што го подобруваат квалитетот на живот на граѓаните и создаваат подобри услови за локален развој.”
-напиша на социјалните мрежи градоначалникот Костадиновски во врска со реализацијата на овој проект.
Креирано од:
СЛИЧНИ ОБЈАВИ
Гордоста на Брегалничкиот регион- Ансамблот “Македонија” во Делчево ја покажа најсилната страна на Македонскиот идентитет
ПОВИК ЗА МЛАДИ: БЕСПЛАТНО УЧЕСТВО НА CASSINI SPACE CAMP
Делчево- единствената општина од регионот која го доби престижното признание “Младински пријателски град”