Ана Симеонова од Кочани која што е Претседател на невладината организација ГРИН.ОРГ од Кочани денеска со своја изјава упатена во јавноста ја негираше поврзаноста на оваа граѓанска организација со постојната Граѓанска иницијатива ГРИН која што има поднесено своја граѓанска независна листа за советници за претстојните локални избори.
“Како претседател на невладината организација ГРИН.ОРГ сакам да се оградам во името на цело здружение за новонастанатата партија која што се вика Граѓанска иницијатива ГРИН и да им порачам на граѓаните доколку планираат да гласаат а мислат дека тоа сме ние дека тоа нема никаква врска со нашето здружение и нашата работа на ниво на општина Кочани,”
-рече Ана Симонова во изјава за јавноста.
-“Воедно со ова би сакала да истакнам дека со овој чекор се гледа немоќта на големите партии кои што и претходно имаат правено вакви трикови за носење на народот во заблуда за еден глас плус/минус…. Ние како невладина организација ќе продолжиме да работиме и да соработуваме со Општина Кочани, партиски не заземаме ничија страна и ќе продолжиме да ги имплементираме нашите проектни активности се за доброто на Кочани и за развој на Кочани”
-рече Ана Симонова во својата реакција на актуелните политички случувања во Кочани.
Креирано од:
СЛИЧНИ ОБЈАВИ
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!
Уште една голема инвестиција на владата во здравството за делчевчани: Две нови возила за ЈЗУ Здравствен дом ,,Гоце Делчев ” во Делчево