Поранешниот премиер на Република Македонија, Никола Груевски денеска си свој став на фејсбук за причините зошто актуелната власт предводена од СДСМ и Зоран Заев ги запира и ги пролонгира реализацијата на големите инфраструктурни капитални проекти кои ги започна Владата предводена од ВМРО-ДПМНЕ во изминатите 3-4 години.
Следна епизода после оваа со Штип-Радовиш ќе биде експресниот пат Штип-Кочани, кој почна со градба пред доаѓањето на власт на СДСМ, чија градба веднаш ја запреа кога дојдоа на власт, со слични изговори како за автопатот Демир Капија-Смоквица, и цела година се одлага натамошната градба.
Потоа ќе следи градбата на новиот експресниот пат кон бугарската граница, Ранковце- Крива Паланка, со дополнителни проширувања на патот Крива Паланка-бугарска граница, кој беше речиси во истазавршна фаза на подготовка за градба како експресниот пат Штип- Радовиш.
И на крај експресниот пат Охрид- Пештани, чија градба ја запреа преку еколошки друштва со образложение дека некои чавки летале од Африка кон северна Европа, и баш тука каде требаше да почне градбата на патот правеле кус одмор.
Оној пак експресен пат Прилеп- Градско, кој веќе цела година се градеше не можеа да го запрат, но кажаа дека го спасиле со тоа што исправиле некакви грешки кои всушност непостојат.
А всушност оној министерот од Прилеп се пресмета дека не му одговара да се пролонгира градбата бидејќи секој втор ден се вози по сегашниот стар пат.
За сите овие 5 експресни патишта имаше 3-4 години макотрпни и неизбежни подготвителни работи, геодетски истражувања на земјиштето каде ќе се гради, дизајнирање, правење проекти, експропријации, преговори и обезбедување кредити од Светска банка, ЕБРД или ЕИБ, спроведување постапки за јавна набавка итн.
Нека престанат да ги кочат градбите и развојот на Македонија за да покажат дека се почнува од нив. Нека сработат и нешто ново, што тие ќе го започнат. Македонија мора да оди напред, а не власта со интриги да гради перцепција за себе дека се од неа почнало, а всушност се со неа се закочи.
Напиша Никола Груевски попладнево на својата фејсбук страна.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија