Денеска на пригоден симболичен начин во старата собранска зграда во Делчево беше отворен новиот Младински центар во Делчево.
Проектот се реализира во рамки на програмата на Градоначалникот на општина Делчево Иван Гоцевски како дел од неговите определба за главниот примат и фокус во јавниот живот во Делчево да го добијат токму младите делчевчани кои што преку овој силно поддржан и институционален начин ќе имаат свој младински простор за да креираат и создаваат за себе и за заедницата.
Младинскиот центар во Делчево е доделен на користење на Младинскиот совет на општина Делчево што е официјално статутарно тело во рамки на работата на Општина Делчево, а целиот процес на формализирање и подигање на капацитетите на Центарот е доделен на Граѓанската организација “Жена” од Делчево.
Градоначалникот Иван Гоцевски во врска со овој симболичен настан пренесе своја порака во јавноста во врска со значењето и целите на Младинскиот центар во Делчево:
“Со големо задоволство денеска и официјално го отворивме Младинскиот центар кој треба да биде култно место за активните млади во Делчево, простор за креативност, идеи, едукација и градење заедништво, но и простор каде ќе можат да ја насочат својата енергија и потенцијал и да бидат вистински двигатели во општеството.
Мора да истакнам дека со овој чин денеска, ние за краток рок го решивме првиот приоритет кој произлезе од граѓаните на буџетскиот форум за 2026 г. Со ова докажуваме дека ние ги слушаме потребите на граѓаните и одговараме на нивните барања.
Овој простор е создаден за младите и најавувам отворена поддршка за младите, за нивните идеи и иницијативи.
Центарот ќе работи како отворен инклузивен простор и ќе биде достапен за сите млади со цел да се поттикне нивната активност, вмрежување и учество во општествениот живот. Организацијата ЖЕНА од Делчево ќе раководи со Младинскиот центар. Јас им посакувам успешна работа, многу активности и успеси.”
-напиша на социјалните мрежи Иван Гоцевски- Градоначалник на Делчево.
Креирано од:
СЛИЧНИ ОБЈАВИ
Кочанските навивачи за Македонската ракометна репрезентација на Европското првенство во ракомет донесоа поддршка од Данска
Општина Кочани и „Пегаз-еду“ воспоставија соработка за едукација и обука за заштита од пожари
Штипјанец со злоупотреба на картичка извадил 500 евра од сметка на своја сограѓанка