Градоначалникот на Општина Кочани, Владко Грозданов, оствари средба со навивачите на Македонската ракометна репрезентација од Кочани, кои беа дел од верната поддршка на нашите ракометари на Европското првенство во Данска.
Навивачите ги споделија своите впечатоци од патувањето, атмосферата на натпреварите и дружењето со навивачи од други земји, а особено ги истакнаа топлиот прием и гостопримството од страна на домаќините. Тие нагласија дека спортот уште еднаш ја потврдил својата моќ да ги поврзува луѓето без разлика на националноста и растојанијата.
Под мотото „Растојанието исчезнува кога срцата стојат заедно“, отпечатено на маичките на навивачите, тие ја однесоа пораката за заедништво, лојалност и безрезервна поддршка за Македонската репрезентација, а назад ја донесоа поддршката од Данците за побрзо закрепнување на Кочани по несреќата на 16 март 2025.
Градоначалникот Грозданов им се заблагодари за достоинственото претставување на Кочани и на Македонија во странство, истакнувајќи дека ваквите примери на спортска култура и навивање се вистинска гордост за локалната заедница.
Креирано од:
СЛИЧНИ ОБЈАВИ
Меѓународна соработка и богата културна програма на фолклорниот фестивал „Традиционални ѓурѓовденски обичаи, песни и ора“ во Кочани
37 годишна жена од Пробиштип влетела дома кај своја сограѓанка и почнала да ја тепа
44 годишен виничанец спречувал службено лице во вршење на службени дејствија и доби кривична пријава од полицијата