Македонската претседателка Гордана Сиљановска Давкова како покровител денеска ја прогласи за отворена Шестата зимска школа на Меѓународниот семинар за македонски јазик, литература и култура.
Во своето обраќање до јавноста во врска со овој настан таа ја истакна важноста за неговото постоење во рамки на нејзините политички определби за негување и развој на нашиот мајчин јазик.
“Со искрена радост ја прогласив за отворена Шестата зимска школа на Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје, којашто се одржува под мое покровителство.
Ова не е само уште една академска средба, туку жива дебата за македонскиот јазик како татковина на македонскиот идентитет, меморија и културната самосвест.
Зимската школа, особено во својот современ формат на одржување на далечина, ја потврдува вистината за македонистиката: дека е наука и духовна мисија што не познава географски граници, дека ја следи и се адаптира на динамиката на светот, свесна за сопствените извори и корени.
За мене, зимската школа е успешна форма на културна дипломатија во најдоброто значење на зборот: образовна и научна дипломатија, стимулација на меѓунационалниот дијалог и на меѓусебното идентитетско разбирање и признавање.
Верувам дека оваа зимска школа ќе стимулира Волтеровски дијалог и страсна дебата, заснована на докази и аргументи.
Знам дека долгите години дружење, разбирање и пријателство ќе вродат со топла и инспиративна атмосфера.”
-напиша на социјалните мрежи Претседателката Сиљановска-Давкова.
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина