Оливер Спасовски ги злоупотребува државните ресурси за сопствена политичка промоција, Државната комисија за спречување на корупција и останатите надлежни институции веднаш да постапат и да го истражат случајот.
Кога вработените во Министерството за внатрешни работи, работат и функционираат во услови кои се далеку под стандардот за нормално функционирање на полицијата и кога поради лошото менаџирање на Министерството за внатрешни работи, оваа државна институција тоне во отпад, парите на полициските службеници и граѓаните се користат за политичка промоција на Оливер Спасовски, кој за личен ПР и за политичка промоција во пресрет на претседателскиот избори, објави високо квалитетен спот, платен од буџетот на Министерството за внатрешни работи, каде тој лета и се фотографира со полицискиот хеликоптер.
Имајќи предвид дека употребата на полицискиот хеликоптер се прави само во исклучителни случаи го повикувам Министерот за внатрешни работи, да даде одговор во јавноста: која е потребата за политички цели да се употреби хеликоптерот? колку чини реализацијата на овој промотивен спот? Дали употребата на државен хеликоптер со полициски ознаки не е злоупотреба на позицијата за политички и лични цели? Кој е бенефитот на граѓаните од трошењето буџетски пари за себепромоција и политички цели?
Воедно, ја повикувам Државната комисија за спречување на корупција и останатите надлежни институции веднаш да постапат и да го истражи конкретниот случај на злоупотреба на државните ресурси во политичка промоција.
-реакција на Наќе Чулев– поранешен Министер за Внатрешни работи
Креирано од:
СЛИЧНИ ОБЈАВИ
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист
Гордоста на Брегалничкиот регион- Ансамблот “Македонија” во Делчево ја покажа најсилната страна на Македонскиот идентитет
Вашето дете често се буди навечер? Дознајте што можете да направите на бесплатната онлајн обука на dm и „Матрона“!